سیرت کی اہمیت کیوں؟

1. اسلام کو سمجھنے کا واحد ذریعہ:

   دین کی اصل تفہیم قرآن کے ساتھ حضور  ﷺ کی سیرت سے ممکن ہے۔

2. شخصی و اجتماعی تربیت کا مکمل ماڈل:
   حضور ﷺ کی زندگی ہر شعبے (گھر، مسجد، بازار، ریاست، عدل، جنگ، صلح، معیشت) میں مکمل راہنمائی دیتی ہے۔

3. دعوتِ دین کے اصول:
   مکہ میں صبر، مدینہ میں ریاست — دونوں مراحل دعوت کے دو بنیادی اسلوب ہیں۔

4. امت کی اصلاح اور اتحاد کا مرکز:
   مختلف فرقوں، زبانوں، نسلوں کو نحضور  ﷺ کی ذات پر جمع کیا جا سکتا ہے۔

سیرت سے کیا سیکھیں گے؟

نبی کریم ﷺ کی سیرت ہمیں سکھاتی ہے کہ ایک یتیم بچہ بھی اللہ کی رضا اور کردار کی قوت سے دنیا کا عظیم ترین راہنما بن سکتا ہے۔
سیرت سے ہم صبر، عزت، صداقت، شجاعت، وفا، عفو و درگزر، عدل، قیادت، اور محبت جیسے اخلاق سیکھتے ہیں۔

سیرت پڑھنے کا مقصد صرف جاننا نہیں، اپنانا ہے

"سیرت، وہ آئینہ ہے جس میں ہم اپنے دل، سوچ، اور اعمال کا چہرہ دیکھ سکتے ہیں۔”

یہ سلسلہ کس کے لیے ہے؟

یہ سیرت النبی ﷺ کا سلسلہ ہر مسلمان، نوجوان، خطیب، مدرس اور محقق کے لیے ہے – ہر اس شخص کے لیے جو رسول اللہ ﷺ کو صرف نبی نہیں بلکہ اپنی زندگی کا امام بنانا چاہتا ہے۔